Gweithio gyda thirfeddianwyr, deiliaid a phartïon eraill yr effeithir arnynt
Rydym wedi ymrwymo i feithrin perthnasoedd gwaith llwyddiannus gyda thirfeddianwyr a deiliad. Rydym am weithio’n agos gyda chi wrth i ni ddatblygu ein cynigion ar gyfer yr atgyfnerthiad hanfodol hwn i’r rhwydwaith trydan.
Byddwn yn eich diweddaru wrth i’r prosiect fynd rhagddo, ac rydym yn eich annog chi (neu eich cynrychiolwyr) i gysylltu â ni os oes gennych unrhyw gwestiynau.
Arolygon
Efallai y gwelwch ni yn eich ardal tra byddwn yn arolygu safleoedd. Diben ein harolygon yw sicrhau ein bod yn deall yr ardal leol yn well, yn ogystal â chasglu’r wybodaeth sy’n angenrheidiol i fwrw ymlaen â’n hasesiadau technegol ac amgylcheddol.
Er mwyn ein helpu i ddeall yr ardal leol a phennu unrhyw effeithiau posibl, rydym angen cynnal amrywiaeth o arolygon ac asesiadau, gan ddefnyddio gwahanol fathau o gyfarpar ac offer. Rydym yn parhau i weithio gyda thirfeddianwyr i geisio’r cytundebau mynediad angenrheidiol ar gyfer cynnal a chwblhau’r arolygon hyn cyn gynted ag y bo modd.
Pan na fo’n glir pwy yw perchennog y tir, efallai y byddwn yn arddangos hysbysiadau ar, neu wrth ymyl, y tir er mwyn ceisio dod o hyd i’r tirfeddianwyr perthnasol. Bydd hyn yn ein galluogi i gysylltu â’r bobl iawn a thrafod y trefniadau mynediad ar gyfer cynnal y gwaith arolygu pan fo angen.
Cysylltwch â ni
Os oes gennych ymholiad yn ymwneud â thir, cysylltwch â’n Tîm Tiroedd yn Dalcour Maclaren:
E-bost: [email protected]
Ffôn: 0333 038 5710