Is-orsaf/Llandyfaelog Substation

Is-orsaf Llandyfaelog 

Y dyddiad cau i roi adborth yn yr ymgynghoriad hwn yw 11:59pm nos Fawrth 15 Gorffennaf 2025.

Mae National Grid yn cynnig codi is-orsaf newydd 400 kV ger Llandyfaelog, i’r de o Gaerfyrddin, i helpu i ateb y galw cynyddol am drydan yn yr ardal.

Rydyn ni’n adeiladu’r is-orsaf i ymateb i geisiadau cysylltu y mae NGET wedi’u derbyn yn Ne Cymru gan Green GEN Cymru a National Grid Energy Distribution (NGED).

Mae gan NGET ddyletswydd gyfreithiol i gysylltu cwsmeriaid â’n rhwydwaith pan fydd cais yn cael ei wneud. Pan nad oes gan is-orsafoedd presennol y capasiti ar gyfer maint y cysylltiad sydd ei angen, mae’n ofynnol i ni adeiladu un newydd i ddiwallu’r angen. Yn yr achos hwn, rydyn ni’n cynnig is-orsaf newydd ger Llandyfaelog.

NGET fydd yn berchen ar yr is-orsaf 400 kV arfaethedig ger Llandyfaelog, ac yn gyfrifol am ei chynnal. Bydd yn ofynnol i ddatblygwyr sydd yn dymuno cysylltu â'r grid cael is-orsafoedd eu hunain  ochr yn ochr ag is-orsaf 400 kV NGET, a byddant yn gyfrifol am sicrhau eu  caniatâd cynllunio eu hunain. Mae pob prosiect yn wahanol i’w gilydd ac yn gyfrifol am sicrhau caniatâd cynllunio unigol ar gyfer unrhyw seilwaith arfaethedig.

Ble mae safle’r is-orsaf arfaethedig?

Byddai’r is-orsaf newydd tua 6km i’r de o Gaerfyrddin. Cynigir mynediad i’r safle o ffordd fynediad newydd a fydd yn cysylltu â’r A484. Mae rhagor o wybodaeth am leoliad yr is-orsaf arfaethedig ar gael yn ein llyfryn gwybodaeth sydd ar gael yn y llyfrgell dogfennau isod.

Beth yw is-orsafoedd a sut maen nhw’n gweithio?

Mae is-orsafoedd yn rhannau hanfodol o’r rhwydweithiau trawsyrru a dosbarthu ac yn sicrhau bod trydan yn gallu cael ei drawsyrru ar wahanol folteddau, mewn ffordd ddiogel a dibynadwy.

Un o'r prif bethau mae is-orsaf yn ei wneud yw newid foltedd trydan. Mae angen hyn er mwyn gallu trawsyrru’r trydan ledled y wlad ac yna ei ddosbarthu drwy gymdogaethau lleol ac i’n cartrefi, ein busnesau a’n hadeiladau.

Mae NGET yn cymryd trydan a gynhyrchir o ffynonellau pŵer ac yn ei gludo drwy’r rhwydwaith o linellau uwchben y tir, ceblau ac is-orsafoedd. Mae wedyn yn cael ei drosglwyddo ar foltedd is drwy’r rhwydweithiau dosbarthu lleol i gartrefi a busnesau.

Pam mae angen yr is-orsaf newydd?

Mae National Grid yn cynnig codi is-orsaf newydd 400 kV ger Llandyfaelog, i’r de o Gaerfyrddin, i helpu i ateb y galw cynyddol am drydan yn yr ardal.

Rydyn ni’n adeiladu’r is-orsaf i ymateb i geisiadau cysylltu y mae NGET wedi’u derbyn yn Ne Cymru gan Green GEN Cymru a National Grid Energy Distribution (NGED).

Mae gan NGET ddyletswydd gyfreithiol i gysylltu cwsmeriaid â’n rhwydwaith pan fydd cais yn cael ei wneud. Pan nad oes gan is-orsafoedd presennol y capasiti ar gyfer maint y cysylltiad sydd ei angen, mae’n ofynnol i ni adeiladu un newydd i ddiwallu’r angen. Yn yr achos hwn, rydyn ni’n cynnig is-orsaf newydd ger Llandyfaelog.

NGET fydd yn berchen ar yr is-orsaf 400 kV arfaethedig ger Llandyfaelog, ac yn gyfrifol am ei chynnal. Bydd angen is-orsafoedd eu hunain ar y generaduron ochr yn ochr ag is-orsaf 400 kV NGET, a byddant yn gyfrifol am sicrhau eu caniatâd cynllunio eu hunain. Mae pob prosiect yn wahanol i’w gilydd ac yn gyfrifol am sicrhau caniatâd cynllunio unigol ar gyfer unrhyw seilwaith arfaethedig.

Bydd yr is-orsaf arfaethedig ger Llandyfaelog yn helpu i ateb y galw am drydan yn Ne Cymru.

Cyfle i ddweud eich dweud

Rydyn ni’n credu ei bod hi’n bwysig iawn gweithio gyda phobl sy’n byw ac yn gweithio’n lleol wrth i ni ddatblygu ein cynlluniau ac rydyn ni eisiau clywed gennych chi. Bydd ein hymgynghoriad yn cael ei gynnal rhwng dydd Mawrth 17 Mehefin a dydd Mawrth 15 Gorffennaf 2025. Byddwn yn cynnal digwyddiadau ymgynghori cymunedol a gweminar a fydd yn rhoi cyfleoedd i gael rhagor o wybodaeth am y prosiect, gofyn cwestiynau i dîm y prosiect, a rhoi adborth.

Dyma ein digwyddiadau gwybodaeth:

Gall pobl roi adborth mewn sawl ffordd:

• Llenwi’r ffurflen adborth ar-lein yma
• Gallwch ein helpu ni i gyflenwi rhaglenni buddion cymunedol sydd yn gweithio i’ch ardal chi gan adael i ni wybod eich barn yn ein harolwg buddion cymunedol yma.
• Anfon copi papur o’r holiadur wedi’i lenwi neu lythyr i FREEPOST NG Llandyfaelog (does dim angen stamp na chyfeiriad ychwanegol)
• Anfon sylwadau drwy e-bost i [email protected]

Y dyddiad cau i roi adborth yw 11.59pm nos Fawrth 15 Gorffennaf 2025.

Llyfrgell Dogfennau

Cynhelir ein hymgynghoriad cymunedol rhwng dydd Mawrth 17 Mehefin a nos Fawrth 15 Gorffennaf 2025 (11:59pm).

Isod gallwch weld ein holl ddogfennau ymgynghori cymunedol. Mae hyn yn cynnwys ein llyfryn gwybodaeth a phaneli arddangos o’n digwyddiadau wyneb yn wyneb.

Llyfryn Gwybodaeth Prosiect 

Ffurflen adborth 

Map

Panelau digwyddiadau

Beth fydd yn digwydd nesaf?

Credwn ei bod hi’n bwysig rhannu gwybodaeth am ein prosiect gyda phobl sy’n byw ac yn gweithio’n lleol. Bydd yr adborth yn ein helpu i lunio ein cynlluniau wrth i ni barhau i ddatblygu ein cynigion.

Rydyn ni wedi cyflwyno ein cais Sgrinio Asesiad o’r Effaith Amgylcheddol i Gyngor Sir Caerfyrddin i adlewyrchu’r cynlluniau a’r gofynion diweddaraf ar gyfer y platfform.

Byddwn yn parhau â’n trafodaethau â thirfeddianwyr ac yn cynnal arolygon a gwaith technegol ac amgylcheddol yn safle arfaethedig yr is-orsaf, ac o’i gwmpas, i roi rhagor o wybodaeth i ni am yr ardal ac i helpu i lywio ein cynlluniau. Mae’n bosibl y byddwch chi’n ein gweld ni a’n contractwyr yn gweithio yn y safle arfaethedig ac o’i gwmpas.

Byddwn yn cynnal ymgynghoriad pellach ar ein cynigion cyn i ni gyflwyno cais cynllunio i Gyngor Sir Caerfyrddin yn 2026.

Sut mae cael yr wybodaeth ddiweddaraf am is-orsaf arfaethedig Llandyfaelog? 

Gallwch gofrestru eich diddordeb yma i gael yr wybodaeth ddiweddaraf am is-orsaf arfaethedig Llandyfaelog.

Os oes gennych chi unrhyw gwestiynau am is-orsaf arfaethedig Llandyfaelog yn y cyfnod cyn yr ymgynghoriad, gallwch hefyd gysylltu â’n tîm cysylltiadau cymunedol drwy: 

E-bost: [email protected]

Ffôn: 0800 915 3595

Post: FREEPOST NG Llandyfaelog