Bydd rhan gyntaf y gwaith hwn yn cynnwys gosod seilbyst. Mae hon yn broses hanfodol sy’n golygu gosod dalennau dur mawr, sef y seilbyst, i lawr yn y ddaear i greu rhwystr cadarn i greu cynhaliaeth dros dro. Bydd hyn yn golygu ein bod yn gallu cael gwared ar bridd a pharatoi’r siafft lansio ar gyfer ein Peiriant Twnelu. 

Bydd y gwaith hwn yn dechrau yn ystod rhan gyntaf yr wythnos sy’n dechrau ar 13 Tachwedd 2023 a dylid ei gwblhau o fewn pedair i chwe wythnos.

Bydd yr holl waith yn cael ei wneud rhwng 9.00am a 5.00pm o ddydd Llun i ddydd Gwener. 

Er bod gosod seilbyst yn arfer adeiladu angenrheidiol a safonol, bydd y broses hon yn creu mwy o sŵn nag arfer. 

Rydyn ni eisiau sicrhau ein bod yn cael cyn lleied o effaith â phosibl ar y gymuned leol ac rydyn ni wedi ymrwymo i gymryd camau ychwanegol i leihau unrhyw darfu cymaint ag y gallwn ni. 

Byddwn yn defnyddio rhai o’r arferion gorau sydd ar gael ar hyn o bryd o ran mesurau lliniaru sŵn, gan gynnwys y rhwystr sŵn a godwyd yn ddiweddar, paratoi’r tir cyn gosod y seilbyst a defnyddio amdo lleihau sŵn o amgylch top y peiriant gosod seilbyst.

Byddwn yn cymryd cam ychwanegol i sicrhau ein bod yn lleihau’r sŵn drwy gynnal rhagor o waith i fonitro’r sŵn yn ystod cam cyntaf y gwaith gosod seilbyst. Bydd hyn yn mesur canlyniadau ein model sŵn presennol ac yn chwilio am ragor o gyfleoedd i leihau’r sŵn sy’n cael ei gynhyrchu drwy addasu ein dulliau gweithio.

Os oes gennych chi unrhyw faterion neu bryderon brys naill ai cyn neu yn ystod y cam hwn o’r gwaith, cysylltwch â ni ar 0800 019 1898 a gadewch neges os bydd gofyn i chi wneud hynny a byddwn yn cysylltu â’r aelod perthnasol o dîm y prosiect cyn gynted â phosibl.